أرض الاڼتقام

كانت لابسه طرحه لافاها بطريقه عصريه بس في نفس الوقت محتشمه... عبايتها كانت بتجمع بين الاناقه والاحتشام في نفس الوقت... كانت متطرزه ببساطه وده زادها جمال... علي عكس اغلبيه البنات والستات اللي واقفين.... جسور فضل يبصلها باعجاب وحب... حبيبته اهي قدامه... مشفهاش غير مره واحده... مره واحده بس وياريتها كانت حقيقيه... دي كانت في صوره وكانت ساعتها في الثانويه العامه. ..وبعد كده مشفهاش تاني... من سنين حبها من حكايه شخص له عنها... كان في شخص مقرب منه ومنها بيحكيله تفاصيل حياتها... لغايه ما جسور لقي انه بيحبها... ازاي وليه ميعرفش.. بس اخبارها اتقطعت بعد كده لما الشخص ده غاب... خرجه من سرحانه صوت بروج لما بصتلهم 
بروج يا اهلا يا اهلا... عندنا ضيوف واحنا منعرفش... مش كنتوا تقولولنا كنا فرشنا الارض رمله 
واحده وطت علي ودنها وكلمتها بس ساعتها حس جسور ان المتاعب الحقيقيه ابتدت لان اكيد اللي بتكلمها دي بتقولها عن هويتهم وهتبقي ليله ملهاش ملامح 
شافها بتبتسم ابتسامه تشفي ورفعت حاجب واحد كأنها ناويلهم علي نيه
كانت بروج ناويه بصراحه كده تخلي سيرتهم علي كل لسان وفضيحتهم بجلاجل بس نظره بلال اخو جسور ناحيه التلت بنات اللي واقفين قاصده خلت بروج تغير رأيها... لانها عرفت ان بلال كان جاي يشوف واحده منهم... والتلاته اللي واقفين فيهم اتنين
اخواتها وواحده بنت عمها ولو جدها عرف.... برقت ساعتها لما وصلت للنقطه دي لانها مش قادره توصل بخيالها جدها ممكن يعمل ايه... ففكرت بسرعه ازاي تلم الموقف ده 
بروج استاذ جسور... انت كنت واخد ميعاد من جدي... بس للاسف جدي جاله شغل مهم جدا فاضطر يسافر... وقالي ان اعتذرلك عن الميعاد 
الكل في صډمه من كلامها حتي جسور... اللي بصلها وكأنه بيسألها هو فيه ايه... فراحت عنيها علي بلال... فجسور تلقائيا بص لبلال لقاه بيبص للتلت بنات... ففهم قصد بروج من اللي بتعمله... فشاولها برأسه بعلامه اه ان هو فهم يعني 
جسور بصوت قوي انا كمان كنت عايزه في شغل مهم... بس واضح ان الحج فوزي مش حاططنا في دماغه 
بروج رفعت شفتها العلويه في علامه استنكار لوقاحته... هو مشكور انه كمل معاها خطتها بس دي وقاحه لما يتكلم عن جدها كدا 
بروج بصوت عالي عثماااااان يا عثمااان 
جه عثمان الغفير جري 
بروج وصل البهاوات للباب 
عثمان هما جهم ازاي دول 
بروج بغيظ والله انت الغفير ومء عارفه هما جم ازاي... انا اللي هعرف... وصل الضيوف... وحسابنا بعدين 
الستات بعدت عن طريقهم و جسور كان ماشي من قدام بروج 
بروج بصوت واطي استني 
وقف جسور وبصلها باستغراب 
بروج بقوه خلي اخوك يبعد عننا ل ويمين الله لو عادها ما تعرفه طريق 
جسور بثبات مش هتقدري لا انتي ولا عيلتك بحالها 
بروج بكل هدوء وثبات وليه عيلتي انا بنت ب 100 راجل كفايه انا علشان انفذ اللي هقولهولك 
جسور مش هتقدري 
بروج هنشوف 
جسور لبس نضارته ورفع دقنه تمام هنشوف 
يتبع... ايه رأيكوا !
الفصل الثاني
روايه القلب وما يريد 
ارض الاڼتقام
الحلقه التانيه 
شددت بروج تعليماتها ان محدش يجيب سيره لجدها ولا لإسلام ابن عمها لما يجوا 
دورت علي البنات في كل الأوض ملقتهمش وهي فاضل اوضه اخيره مدورتش فيها اوضه تلا واحده من التلت بنات 
دخلت لاقيتهم التلاته اتنفضوا... وقفوا جنب بعض خايفين ومرعوبين. . مين ميخافش من نظرات بروج اللي عامله زي الصقر .... شاورت بروج لاختها منه ان هي تقرب ... منه قربت 
بروج اقفي جنبي 
بوسي اخت بروج الصغيره عندها 18 سنه انما منه عندها 21 سنه يا سلام يأختي اشمعنا هي منا اختك برضه 
تلا الله الله ايوه بقي قولوا كده... انا واخويا علي ابن عمي. ومش بعيد يكون لعبه انتوا عاملينها عليا 
بروج بزهق تلااااااااااااابييييب
بوسي ضحكت فتلا ضړبت برجليها الارض... مش ذنبها ان هي اتولدت باسم غريب..... مش ذنبها ان والدتها مكنش بعيش ليها بنات فبعض الخرافات اللي في الريف بتقول انك تسمي المولود باسم غريب ومختلف علشان يعيش.... فسمتها تلابيب.. بس هي من يوم ما بدأت توعي علي الدنيا وهي معترضه علي الاسم وخلت الكل يقولها يا تلا. . بس ساعات بيستفزوها باسمها الحقيقي 
تلا متقولوليش الاسم ده تاني... حرام عليكوا 
بروج ما انتي اللي استفزتيني بكلامك رغم انتي عارفه كويس