تجميع الحلقات كامله بغرامها متيم بقلمي فاطيما يوسف حصري لمدونة أيام الجزء الثاني من نبض الۏجع عشت غرامي

ولا راحة لمن لا تعب له 
فإذا كانت الراحة في الجهل بالشيء كان التعب في العلم بالشيء وكم علم لو بدا لنا لكان فيه شقاء عيشنا وكم جهل لو ارتفع منا لكان فيه هلاكنا فعلينا أن نلتمس لبعضنا السبعين عذرا كي نستطيع أن نعيش
أما عند هؤلاء المبتدئين في العشق كانو جالسين عند البحيرة في مكان هادئ وكل منهم يحمل طفلا يهدهده ويلاعبه فهي تحمل مها وهو يحمل زين فوجدها تسأله 

اشمعنا سميتها مها حساه اسم قديم شوية يعني زين اسمه جميل قووي وحديث أما اسم مها حساه مش لايق عليها وعلى جمالها حبيبة قلبي 
ثم أكملت وهي تشاكسه 
إلا إذا كان مها بقي حب قديم يا أبو زين علشان كده سميتها على اسم حبك الضائع 
تهجمت ملامحه بشدة من تلميحها فقد ذكرته بوجيعة لم يريد أن يتذكرها يوما من الأيام فقد أهلكت روحه سنوات وسنوات ثم تحدث غاضبا وهو لم يدري بحاله 
بلاش نفتح في حياتي القديمة ملكيش دخل بيها ولا اللي كنت بحبه ولا محبوش إذا سمحتي
شعرت بسخونة وجهها من شدة خجلها من تهجمه عليها في الرد فقامت على الفور وقبلت الطفلة بحنو ثم أعطتها إياه وهي تعتذر منه 
أنا متأسفة جدا عن إذنك
أغمض عينيه لوهلة من طريقته الحادة في الرد عليها وفي لحظة أمسكها من يدها قبل أن تترك له المكان فشعر كليهما بالرجفة تسير في جسدهما كالكهرباء من لمسته ليعتذر لها عن طريقته الحادة 
أني اللي هتأسف لك يا شمس إني رديت بطريقة ناشفة معلش اقعدي وحقك عليا
تنفست بتأثير من لمسته الحانية وهو يضغط على يدها وراق لها اعتذاره وندمه على طريقته معها وعادت مكانها وأخذت منه الطفلة التى تحبي عليها بشدة 
أما هو أجابها 
مها توبقى على اسم مرت أخوي الله يرحمه أصلها كانت متجوزة أخوي وأني لسه مخلص دبلوم كنت لسه شاب صغير وأمي ماټت بعد جوازها من أخوي وهي اللي كانت هتراعي أموري فكنت بعتبرها أختي الكبيرة ولما ماټ أخوي قلت اسمي بنتي على اسمها علشان أرفع من روحها المعنوية أما زين على اسم واحد من توأمها اللي فارقوا الحياة هما كمان قبل مۏت أبوهم بشهرين
شهقت شهقة عالية وهي تضع يدها على فمها تكتمها تأثرا بما حدث لتلك لتقول بحزن 
ياه جوزها وولادها التوأم كلهم فارقوها في شهرين ! لاحول ولاقوة إلا بالله العلي العظيم 
دي هتلاقيها اټجننت ياعيني من اللي حصل لها
تنفس عامر بأنفاس عميقة من هول زفيرها وصل إلى صدرها ثم أعلمها
هي حزنت على ولادها ولحد دلوك مش قادرة تتخطي موتهم من بقى لهم تلت سنين أهو مفارقين لسة متجوزة بقى لها أسبوع يدوب
ايه ده هي اتجوزت بالسرعة دي ازاي جملة استفهامية مغلفة بالاستنكار فهي لم تعرف أنها تعذبت مع أخيه سنوات زواجها العشر بأكملهم وأنها كانت تعامل معاملة العبيد معه ولكن لن يريد أن يذكر أخيه إلا بالخير 
هي من حقها تتجوز وتعيش حياتها وخصوصا إنها لسة صغيرة وكمان حلوة في الشكل يمكن نفسها تخلف زي ولادها اللي راحوا لأنها مش متقبلة فكرة انهم فارقوها 
ثم تبدلت معالمه الحزينة إلى مبتسمة وهو يتحدث عنها مما جعلها تشعر بالغرابة قليلا من تبدل حاله 
أصل أم الزين كانت هتحب ولادها وترعاهم غير أي أم وكمان زين وزيدان كنتي تشوفيهم تسمي عليهم من أدبهم ورقيهم في التعامل مع أي حد شفتي أطفال التربية الإيجابية اللي هتشوفيهم في الفيديوهات هما اللهم بارك كانوا اكده وأكتر كمان لأنها كانت هتهتم بيهم في الأربعة وعشرين ساعة ومهتغفلش عنيهم واصل وكانت مدياهم كل اهتمامها
سألته باستكشاف 
طب عندكم في الصعيد أسمع إن إللي أخوه ېموت يتجوز مراته علشان يحابي عليها ليه مفكرتش تتجوزها واتجوزت واحدة تانية 
ابتلع غصته بمرارة مثل مرارة الصبار وهو يستمع إلى اسنفسارها القات ل له وترك لسانه يتفوه بكلام ينزع الشك من عينيها 
أني كنت مسافر وبعدين قابلت لامي هناك وارتبطت بيها ومفكرتش في الموضوع ده خالص لأني بعتبرها زي أختي الكبيرة وهي كمان هتعتبرني كيف أخوها الصغير وكمان مفيش أولاد تربطها بينا فعلشان اكده مفكرتش اني أتجوزها وأهي راحت لنصيبها ربنا يسعدها
طلبت منه بشغف 
طب ممكن تعرفني عليها يا عامر نفسي أشوفها قووي أشوف الإنسانة اللي قدرت تتخطى الصدمات دي كلها وتقف على رجليها من تاني
هلع قلبه من طلبها ليرفضه على الفور معللا رفضه بسبب مقنع 
طب كيف دي ياشمس هي دلوك ست متجوزة وعلى ذمة راجل مفيش أي صلة بيني وبينها تخليني أتعشم وأكلمها إحنا حدانا اهنه في الصعيد مفيش حاجة اسمها علاقات قديمة ونفضل أصحاب طالما الست في عصمة راجل تاني لازمن تقطع علاقتها بكل الرجالة اللي كانت تجمعها علاقة قرابة بينهم بتستكفى بأخوها ابن عمها بس على اكده
رمقته بإقتناع من رماديتيها التى تنطران له بفخر لكلماته التي تثبت لها رجولته 
أها فهمتك قوووي مسيري هعرفها في يوم من الأيام طالما في المحيط ده أكيد هشوفها
صمت لثوان ثم حدق في عينيها وأردف وهو يقصد إرباكها 
يعني
كيف دي انتي هتفضلي عايشة اهنه كتير ومش ناوية ترجعي بلدكم وناوية تعملي بيات شتوي وصيفي اهنه 
رفعت حاجبيها من مكره في سؤاله وهتفت بمكر مماثل 
أه عندك مانع يمكن يجي لي واحد ابن حلال ويحبني وأبعد عن عمي ومرته وقرفهم
تحمحم كي ينظف حنجرته وتحدث بملامح جادة ارتسمت رغما عنه وهو يشعر بالضيق
طبعا ما انتي جميلة ومتعلمة واللي هيتمنوكي كتير أكيد
قرأت الغيرة في عينيه ثم رددت بعينان تلتمع بالعشق لذاك العامر الثقيل في مشاعره مما جعلها تتمسك به كثيرا 
بس المهم انا اتمني مين وقلبي عايز مين
تبدل الحزن معها إلى مرح واشتياق وتعلق أكثر من ذي قبل ليقول 
طب ايه رأيك في واحد رايد بس محتار وخاېف يطرق بابك ويلاقي منك رفض فيحزن
طب يطرق الباب بس يا سيدي واحنا نفتح ابواب قلوبنا على الناحيتين ونستقبله أحلى استقبال ونضايفه برموش عنينا ونعامله معاملة البشوات كمان
لانت ملامحه
القلقة وتبدلت إلى آمنة مطمئنة وهو يتيقن أنها تريده مثلما يريدها ثم تشجع معترفا
طب ينفع أكون أني اللي هيطرق بابك ومعايا ضيفين كمان هتحبيهم وهتعرفيهم 
أخيرا قالها وأخيرا سمعتها من فمه لتومئ رأسها وهي ترد بخجل لما اعترف به 
مرحبا بيك ونفتح لضيوفك باب تاني وتالت من أبواب قلبي اللي هيحبوهم قووي وهيتمنوهم بشغف انهم ميبقوش ضيوف ويبقوا من عيلتي اللي مستنية اني ألمهم حواليا بكل الحب
ما أجمل لقاء الأحبة فهو يبث الأنس ويطرد الأحزان ويريح النفوس المتعبة فلحظاته مشرقة ونسائمه عليلة وهواؤه منعش وأصوات الأحبة فيه كزقزقة العصافير على الأفنان
دقت هانم على باب الغرفة فأذنت لها
رحمة بالدخول 
أعطتها الكيس البلاستيك الذي بيدها وهي تعلمها 
اتفضلي يا رحمك يا بتي الأوردر دي جالك من الصيدلية بيقول ان إنتي طالباه وفي علاج ليكي
أخذت منها رحمة الأدوية ثم شكرتها بامتنان 
تمام يا هنوش ما انحرمش منك ولا من تعبك معايا يا ست الكل
ابتسمت لها هانم هي الأخرى فهي تعاملها كوالدتها ولم ترى منها الا كل جميل 
ولا تعب ولا حاجة إنتي زي بتي وربنا الأعلم محبتك في قلبك كد ايه 
ربنا يشفيكي يا بتي وتعاودي لصحتك شديدة زي ما كنتي ويرزقك الخير كلاته يا رب على تربيتك الزينة ومعاملتك الحلوة لكل الناس وقلبك الطيب اللي مفيش منه اتنين
تبسمت لها رحمة وهي تؤمن على دعائها من أعماق قلبها وهي تأذن لها بالخروج كي تنهي أعمالها المنزلية وما إن خرجت حتى أفرغت محتوى الأدوية وأخرجت ذاك الاختبار منها بقلب ينبض بالقلق الشديد والتوتر ثم أخذته ودلفت إلى الحمام وقامت بعمل الاختبار كما قرأت وانتظرت تلت ساعة حتى ظهرت نتيجة الاختبار بما جعل وجنتيها تصاب بالاحمرار الشديد بشرطتين دمويتين ظاهرين للأعمى وقد تبدلت معالمها الى منتهى البؤس واظلمت الدنيا في عينيها وهي لم تستعد بعد لإنجاب طفل وهي في حالتها تلك وداخلها قرر أن لايعرف أحدا بوجوده وانتوت على إجهاضه مهما كلفها الأمر
انتهي البارت
بغرامها متيم
الجزء الثاني
من نبض الۏجع عشت غرامي
بقلمي فاطيما يوسف
مستنية رأيكم وتوقعاتكم
بسم الله الرحمن الرحيم
لاإله إلا الله وحده لاشريك له يحي ويميت له الملك وله الحمد وهو علي كل شئ قدير
البارت الثالث والعشرون
بغرامها متيم
الجزء الثاني
من نبض الۏجع عشت غرامي
حبايبي البارت نازل على جزئين لانه كبير جدا فأرجو التفاعل على الجزئين فرحوني انا تعبت جدا في كتابته واسيبكم مع البارت القراءه ممتعه حبيباتي 
ظهرت نتيجة الاختبار بما جعل وجنتيها تصاب بالاحمرار الشديد بشرطتين دمويتين ظاهرين للأعمى وقد تبدلت معالمها الى منتهى البؤس واظلمت الدنيا في عينيها وهي لم تستعد بعد لإنجاب طفل وهي في حالتها تلك وداخلها قرر أن لايعرف أحدا بوجوده وانتوت على إجهاضه مهما كلفها الأمر
وجلست تحدث حالها بحالة من الذهول عن ذاك المولود الذي سيأتيها على حين غرة وهي لم تستعد بعد
أعمل ايه يارب في اللي أني فيه دي هقدر ازاي أتحمل مسؤلية طفل وأني في حالتي داي !
طب والأدوية اللي هاخدها هتسبب له أصلا تشوهات 
يارب دبرني يارب
وظلت على حالها هكذا تشاور عقلها وتستفتي قلبها ولم تستطيع الوصول لحل غير إجهاض الطفل فهي لن تستطيع أن تتحمل مسؤوليته بعد وظلت هكذا حتى قررت أن تهاتف سكون كي تأتيها في التو واللحظة فهي أقرب شخص لها وبالفعل هاتفتها وطلبت منها أن تجئ إليها ولم تكذب سكون خبرا فأتت إليها على وجه السرعة فرحمة قد أكدت عليها أن تأتي سريعا وما إن وصلت حتى تحدثت إليها رحمة بعيناي تلتمع بالدمع
الحقيني يا سكون اني في مصېبة كبيرة ومعرفاش هتصرف فيها كيف
ابتلعت سكون ريقها بصعوبة بالغة وقد شعرت بالړعب من كلمات رحمة وهي تسألها 
مالك يا رحمة مصېبة ايه كفى الله الشړ 
بكت هي الأخرى بشدة وهي تصف معاناتها 
طلبت من الصيدلية اختبار حمل وعملته ولقيت الشرطتين باينين قووي واكتشفت اني حامل يا سكون حامل وابني او بنتي هيجوا الدنيا هيلاقو أمهم عاجزة وقاعدة على كرسي متحرك هيجوا الدنيا مش هيلاقو ام تعرف ترعاهم وتشوف أمورهم وحد غيري هيهتم بيهم حد غيري هيجرى وراهم في كل مكان واني محدايش استطاعة اني اقدم لهم أي حاجة حلوة
أغمضت سكون عينيها پألم لأجل كلتاهن فسبحان الله يهب لمن يشاء إناثا ويهب لمن يشاء ذكورا ويجعل من يشاء عقيما ويهب لمن في نظره غير مستعد فهو له في ذلك حكم 
ركنت ألمها جانبا ثم ربتت على ظهرها بحنو وتحدثت بتعقل 
يارحمة اهدي اني هشوف انك مكبرة الموضوع قووي ومدياه اكبر من حجمه الطفل دي يمكن نفحة رحمة من عند ربنا ليكي ولماهر اللي عانى في حياته كتير وكمان كان مستني ربنا يبعت له العوض عن التعب اعتبري فترة الحمل نقاهة ليكي وافرحي بابنك أو بنتك يا رحمة ومتخليش الشيطان يلعب في دماغك علشان ساعة الڠضب بيعمي البصر وبعد اكده هتتندمي اسأليني اني
ما زالت تبكي على حالها ثم رددت من بين شهقاتها 
طب ازاي يا سكون واني هاخد أدوية ملهاش اول من الآخر ولا تمارين العلاج الطبيعي اللي هعملها قاسېة جدا ممكن الجنين يجي له تشوهات من العلاج ولا التمارين ممكن تنزله أعمل ايه وقتها 
جذبتها سكون بين أحضانها الحانية وهي تهدهدها براحة توغلت في أعصاب تلك الرحمة وشعرت بها 
طب هنشوف العلاج اللي هتاخديه ينفع مع الحمل ولا له ولو مينفعش اكيد فيه بديل وبالنسبة للتمارين إنتي متعرفيش إن الستات الأجانب وهما في فترة حملهم هيلعبو رياضة عادي جدا وهيرقصوا كماني وأكيد دكتورة العلاج الطبيعي هيوبقى ليها طريقة تانية في العلاج معاكي لما تعرف ظروفك ولو شايفة إن الحمل مينفعش في الوقت دي هي اللي هتحدد وعلشان اكده لازم ماهر يعرف يا رحمة وهو اللي يسعى ويدور معاكي وهو اللي يحدد مع الدكتورة إذا كان الحمل ينفع يكمل ولا له مينفعش تعملي حاجة من وراه أبدا دي غلط وأكبر غلط كمان متعمليش زيي وتغلطي غلطة كبيرة تعمل فجوة ما بينكم مش هتقدري على تصليحها بعد اكده
ماهر ! انتي عايزاني أعرفه اني حامل واني مش عايزة الجنين جملة استفهامية نطقتها رحمة باستنكار وأكملت بنحيب 
اصلك ما تعرفيش هو نفسه في اطفال كد ايه ومرته الأولى عيملت فيه ايه وكانت السبب في مۏت بنته بالهباب اللي كانت هتشربه هاجي اني اقول له اني حامل وعايزة أنزل الجنين !
طب هيتقبلها ازاي 
طب شعوره وقتها وهو نفسه يوبقى أب وقبل اكده حته منيه ماټت بسبب أمها واني برده بسببي وبسبب حالتي 
اني موجوعة قوي يا سكون فوق ما تتخيلي 
وضعت كف يداها علي كف يدها الموضوعة فوق فخذها ثم ربتت عليها بحنو وأردفت قائلة 
لازم يشاركك وجعك يا رحمة وكلام الدكتورة اللي هتقوله لك اذا كان ينفع الجنين يكمل ولا ما يكملش لازم يكون معاكي خطوة بخطوة فيه ويكون على معرفة بكل شيء مينفعش تلغي رأيه في حاجة مهمة زي دي علشان خاېفة على مشاعره ومهما كانت مبرراتك هو مش هيتقبلها 
لازم يا رحمة تقولي له ومش همشي من اهنه الا لما توعديني ان انتي هتقولي له كل حاجة 
صدقيني يا رحمة ما ينفعش تخبي عنه اي حاجة وهو مش صغير علشان ما يقدرش على الۏجع لازم يتحمل معاكي كل شيء لازم الراجل يشيل مع الست بتاعته وجيعتها زي ما هي بتهنيه وبتطبطب عليه وقت وجعه وما بتسيبهوش وبتوبقى معاه هو كمان لازم يوبقى معاها وأعتقد ان ماهر راجل قوي وعمره ما هتلاقيه اتغشم معاكي أو هتحسي حتى إنه متضايق بسبب إن ابنه ممكن ما يكملش وياجي للدنيا دلوك 
ماهر راجل محترم جدا وعلشان اكده لازم النهاردة يعرف كل حاجة عن اللي في بطنك
أ
خرجت تنهيدة حارة وأنزلت بصرها وأردفت قائلة بنبرة محملة بأثقال من الهموم 
طب هعملها كيف داي !
ثم نظرت إلى السماء وهي تتضرع إلى الله 
يا رب قويني على ان انا رايحة له يا رب اديني الصبر من عندك اني اقدر اتحمل يارب
أخذت سكوننفسا عميقا ثم زفرته بهدوء وتسائلت باستنكار كي ترزقها الشجاعة والقوة والإرادة
على فكرة يا رحمة إنتي أقوى من اكده بكتير أقوى من إن حبة مرض هيهزموكي أقوى من انك تقعدي تبكي على حالتك