تجميع الحلقات كامله بغرامها متيم بقلمي فاطيما يوسف حصري لمدونة أيام الجزء الثاني من نبض الۏجع عشت غرامي

الخارج كي لا يشعر بها 
دلفت إلى الشرفة بهدوء واذا بها تشهق بشدة فزعته وقد أفسد عليها خطتها في مفاجأته وهي تراه ينفس دخان سېجاره 
يا نهارك ياعمران انت هتضحك علي وهتخدعني و وهمتني انك بطلت تدخين وانت قاعد ما شاء الله ولا كانك في الغرزة اني مش مصدقة عينيا والله
لوى شفتيه بامتعاض وقد أفسدت عليه هي الأخرى مزاجه وهو يطفئ سيجارته معتذرا لها 

ڠصب عني يا غالية حضرت هادم اللذات ومفرق الجماعات مستشفى القصر العيني بحالها وانتي وهي ما تتفقوش مع بعض واصل
دبت قدمها أرضا بغيظ مما قال 
يعني كمان هتعتذر لحتة سجارة بتتحكم فيك وبتسخرك على كيفها بعد ما قفشتك متلبس !
اني زعلانة منك خالص يا عمران وكنت عاملة لك مفاجأة مش هقولها لك ها
اقترب منها وهو يحتضنها من كتفها ليردد باستنكار 
انتي ليه محسساني انك قفشتيني متلبس في قضيه آداب بس يا سكوني يا حبيبتي سېجارة ايه اللي هتسخرني على كيفها انتي هتقولي اي كلام عاد وخلاص 
أعادت على مسامعه نفس النصائح التي لن تتخلى عنها حينما تراه 
يعني انت ما تعرفش انها مدمرة للصحة !
يا عمران حرام عليك اللي انت بتعمله في صدرك دي وكمان فيها شبهة حرام
بطلها بقى لو سمحت علشان ما ازعلش منك
رفع منكبيه باستكانة وهو يردد يداعبها كي يخرجها من حالة الذعر التي انتابتها عندما رأته ېدخن 
والله على رأي اللي قال لو حرام ادينا بنح رقها وبنخلص منيها ولو حلال أدينا بنشربها وبنتكيف بيها
ذهلت من رده وهي تلكزه في كتفه 
انت قاصد تغيظني وتح رق د مي صح !
اني بجد زعلت منك علشان انت وعدتني قبل اكده ان انت بطلتها ودخلت عليك لقيتك بتشربها وهتكذب علي يا عمران
قهقه بشدة لطريقتها في العتاب وعلامات وجهها مما جعلها تغتاظ 
وه وكمان هتضحك علي ! 
طب ايه رأيك بقى ان اني كنت عاملة لك مفاجأة ومش هقول لك عليها وخليك قاعد بقى مع سجايرك ومليكش صالح بيا واصل بعد اكده طول ما انت هتشرب السجاير المدعوقة داي
تحركت من أمامه سريعا إلا أنه لم يتحمل حزنها ولحق بها وهو يمسكها من ذراعها ويجذبها لأحضانه وهو يعتذر لها 
طب خلاص تعالي ما تزعليش ما توبقيش عقلك اصغير اكده يا سكون 
و يا ستي مش هخليكي تشوفيني واني هشربها تاني عاد بس هدي خلقك وقولي لعمران حبيبك مفاجأة ايه اللي انتي محضرها له واصل اهون عليكي ما تقوليهاش
ذمت شفتيها للأسفل كالأطفال بحزن من رده فاقترب منها وهو يجذب وجهها إليه معتذرا لها وما ان تنفست انفاسه الممتلئة برائحة الدخان التي تكرهها بشدة وبالتحديد وهي حامل حتى دفعته في صدره بقوة وهي تتحرك بخطوات سريعة من امامه ودلفت إلى الحمام وأفرغت ما في بطنها 
اما هو لحقها وهو يندهش مما حدث لها فهو كان ېدخن وكان يقترب منها ولم تفعل مثل هذه الفعلة من قبل وأصابه القلق عليها وهو يقف ورائها متسائلا إياها 
مالك يا سكون معقولة تنفري مني اكده مرة واحدة ما انتي متعودة على اكده واصل 
التقطت أنفاسها بصعوبة وهي تضع يدها على صدرها وكأنها تهدئ من ضربات قلبها فالتقيئ صعب للغاية ويهلك البدن بشدة 
كاد أن يقترب منها مرة أخرى كي يهدئها إلا أنها أبعدته وهي تنهج بشدة مما أصابه بالذهول
بعد عنييييي الله يرضي عنيك مقدراش أخد نفسي عاد
صدم بشدة من رد فعلها ليسألها 
وه حوصل ايه لدي كلاته عاد يابت الناس مانتي متعودة على ريحة أنفاسي المدخنة عادي وعمرك ما نفرتي اكده 
نهته أن يقترب منها وهي تشير بيده لتأمره 
ما تقربش مني خالص معدتي مقلوبة ولو سمحت اغسل أسنانك علشان نعرف نتفاهم مع بعض
اتسعت مقلتيه من أمرها له بتلك الطريقة وهو يعاندها 
طب عند بعند مش هغسل يا سكون علشان تسيبك من التحكمات اللي فيكي داي اني حر يا ستي صحتي اني المضرورة مش انتي
تنهدت بضيق وهي تجلس على التخت وتستند بظهرها فالتقيؤ أشعرها بالدوار بجانب حملها وكل ذلك أتاها على حين غرة بمجرد أن اشتمت رائحة أنفاسه المدخنة وهي تفاجئه أخيرا بأنفاس متعبة 
يا عمران افهم بقي عاد أني حامل وكنت عاملة لك مفاجأة وطايرة من الفرح واني هاجي اخبرك الخبر الحلو دي وبعدين اتعصبت لما شفتك هتشرب سجاير والعصبية خطړ على الحمل وكمان لما شميت ريحة نفسك بسبب السجاير معدتي قامت علي ارجوك يا عمران بطلها بقى
اتسعت مقلتيه وحدسه لم يصدق ما استمع إليه وقدميه تسمرت أرضا لم يستطيع التحرك خوفا عليها من أن تصاب
بالأذي مرة أخرى ولسانه يردد أخيرا بعدم تصديق 
حامل يعني في بطنك ولد عمران 
حركت رأسها بابتسامة مشرقة وهي تؤكد عليه 
وه أمال هكون حامل في ولد مين عاد ! فوق ياعمران هتوبقى أجمل وأحن بابا في الدنيا كلاتها
ابتلع أنفاسه بصعوبة وتفاحة آدم خاصته تتحرك صعودا وهبوطا وهو يشعر بأنه أسعد رجل في الكون اليوم وأن الله أخيرا جبره بعد سنوات الع ذاب في الانتظار المر 
ثم تحرك سريعا الى الحمام وهو يأتي بفرشاة أسنانه كي يغسلها جيدا حتى لاتنفر منه ولا أن تتعب بسبب رائحة فمه المدخنة وبعد أن أنهى تنظيفها جيدا حتى خرج إليها وهو يقف أمامها وينظر إليها بعيناي يملؤها البهجة والسعادة ثم هبط لمستواها وجذبها لأحضانه برفق وحنو وهو يهمس بجانب أذنها
ياه يا سكون ياه أخيرا جت اللحظة دي وهعيشها معاكي أخيرا هبقي أب مني ومنك وهتوبقى أجمل ماما أخيرا ربنا جبر بخاطرنا بعد المرمطة اللي عيشناها أخيرا 
ثم خرج من أحضانها وهو يتجه ناحية القبلة ويسجد سجدة شكر لرب السماء على جبره هو وسكون ثم قامت من مكانها وجلست أرضا بجانبه وهي تحتضن وجنتيه تؤكد عليه بعيناي تلتمع بدمع الفرحة 
أخيرا يا عمران هنجيب ابن أو بنت نفرح بيهم ويقولوا لك يابابا وينادوني يا ماما
نطفة هتجمع ما بيني وبينك وتملي حياتنا سعادة وبهجة
قبلها من يدها وهو يتحسسهما برفق 
مبروك يا سكوني ربنا يكمل لك على خير يارب ياحبيبي
ثم جذبها لأحضانه مرة أخرى وهو يشدد من احتضانها ليعبر لها عن مدى سعادته 
الله على حضنكم انتو الاتنين طعمه جميل قووي يا سكوني ألف حمد وألف شكر ليك يارب
دموع الصامتة انقلبت إلى بكاء الفرحة نعم إنها لدموع الفرحة المنتظرة لتلك السكون وذاك العمران الرجل العاشق لسكونه والمستحق لعطايا الله وهبته لهم حتى أخرجها من أحضانه ويمسح دموعها برفق بأنامله الحنونة وهو يهدئها 
أني عارف إن دي دموع الفرحة بس احنا نستحق اننا نفرح نستحق اننا منبكيش عاد افرحي ياسكوني جايك عوض كبير وجميل من ربنا
اختلطت نظرتها الدامعة بنظرتها السعيدة كمثل الزهرة حين تتساقط عليها قطرات الندى في الصباح الباكر فتنعشها وتتفتح بشكل زهي للكون ومن يراها يريد أن يقترب منها ويشم رائحتها العطرة ثم احتضن وجنتيها بين كفاي يديه وهو يقبل عينيها الدامعتين بنهم 
ربنا يخليكو ليا ويبارك لي فيكم يارب وأشوفكم أسعد الناس ويكمل فرحتنا على خير يارب يا حبيبي
عوض الله يأتي بعد التعب وبعد الحزن وبعد الإحساس بالظلم وبعد المجهود وبعد الصبر وبعد الدعاء وبعد الإبتلاءوبعد الرضا وبعد كل إحساس صعب ظننا أنه لن يمر فمر بفضل الله وبعد كل مر عشناه و ظننا أننا لم نجبر فجبرنا الله فاللهم لك الحمد حتى يبلغ الحمد منتهاه ودوما وأبدا حمدا لله على عطاياه
اظن وفيت بوعدي معاكم وجبت لكم فصلين كبار يعوضوني عن الغياب وكاني ما غبتش ارجو منكم تقدير تعبي في الفصول المعديين ال 10000 كلمه انتم متخيلين يعني ايه 10000 كلمه يعني عايزه ريفيوهات تهز الجروب ارجوكم ما تضيعوش تعبي
انتهي البارت
بغرامها متيم
الجزء الثاني
من نبض الۏجع عشت غرامي
بقلمي فاطيما يوسف
مستنية رأيكم وتوقعاتكم
بسم الله الرحمن الرحيم
لاإله إلا الله وحده لاشريك له يحي ويميت له الملك وله الحمد وهو علي كل شئ قدير
البارت الثلاثون
بغرامها متيم
الجزء الثاني
من نبض الۏجع عشت غرامي
فاطيما يوسف
مرت الليلة على شمس في حزن شديد وهي تغلق على حالها وما زالت بفستان زفافها لم تخلعه بعد فهي في حالة مڼهارة للغاية ووجهها ملطخ بسواد كحلها الغزير بسبب الدموع التي ظلت تنهمر على وجنتيها طيلة تلك الليلة المريرة كانت نائمة علي الأرض وهي تتكور على حالها كالجنين وفجأة فزعت من نومها على طرقاته الهادئة على باب غرفتها فهو الآخر لم ينم تلك الليلة ولم يغمض جفنه ولو لوهلة والحزن يتآكل داخله بسبب ما حدث بينهم 
فاقت من نومها القلق وهي فزعة وما إن وعت لحالها حتى رفضت أن تفتح له وهي تردد برفض قاطع 
مش هفتح لك ولا طايقة أبص في وشك ولا طايقة أسمع صوتك من الأساس ومش هخرج من الأوضة دي إلا لما ترمي عليا يمين الطلاق مش عايزة أعيش معاك ثانية واحدة يا مخادع يا غدار 
ضم شفاه بضيق شديد وهو يمسح على خصلات شعره بقلق لما تفوهت به لينطق بتحذير هادئ
عيب لما تتكلمي مع جوزك بالطريقة داي واصل يا هانم خلي عندك الشجاعة وافتحي الباب نتناقش مناقشة محترمة وهادية ومتبقيش قماصة من أولها اكده 
كانت تدور حول نفسها بالغرفة وهي تشعر بالن يران تتآكل في صدرها وما إن تفوه بكلماته حتى صاحت به من الداخل 
مناقشة هادية ايه اللي انت بتتكلم عنها دي يا صعيدي يا محترم ياللي معروف عنكم الرجولة والشهامة والجدعنة وانت طلبك الغير معقول وكسرتك ليا في يوم فرحي وخليتها كوابيس عليا ده يرضي ربنا يا للي بتتكلم عن الاحترام انت 
نفخ بضيق شديد وهو يحاول استدعاء الهدوء بشتى الطرق ليبرر فعلته 
والله يا شمس انت فاهماني غلط وكلامي ليكي امبارح فهمتيه من منطلق تاني خالص بالله عليكي افتحي خلينا نتفاهم ونتكلم ونتراضى وأكيد مش هنعمل حاجة انتي مش راضية عنيها 
لاحول ولاقوة الا بالله العلي العظيم اهدي يابت الناس ومتكركيبهاش على حالك اهدي واعقلي ياشمس وافتحي الباب وهراضيكي والله العظيم 
ضحكت بهستيرية وهي قد فقدت الثقة به ثم انقلبت ضحكاتها الساخرة إلى شهقات مرتفعة وهي تردد من بينهن 
أهدى ونتفاهم كيف وأني فقدت الأمان من أول لحظة ليا معاك اديتك قلبي وسلمتك روحي وعاهدتني على الأمان وأول حاجة هديتها ما بيني وبينك الثقة والأمان 
ثم ألقت بكل ما أمام المرآة أرضا وهي تفرغ شحنة ڠضبها المكتوم طيلة تلك الليلة المريرة لتكمل بتشبس 
خلاص مش هديك الأمان تاني يا غدار وانت ممكن بكل سهولة وخداع تحرمني من إني أبقى أم بطرق تانية وأسهل ما يمكن يبقي أثق فيك تاني يا عامر ! مستحيل لو عملت المستحيل 
فقد جميع الحلول لمراضاتها فهي لو أمامه لجذبها إلى أحضانه كي يشعرها بدفئهم ويجعلها تهدأ وتستكين وظل متمسكا بمقبض الباب وهو يتوقى إلى أن تفتح ذاك الحاجز بينهم كي يستطيع التفاهم معها وهو يشعر بحسرته على اڼهيارها ويقف عاجزا الآن أمام مراضاتها ليناديها برجاء وهو يحايلها 
طب أهون عليكي ياشمس أفضل واقف طول الليل اكده قدام الباب أحايلك علشان تفتحي ونتكلم بس ! حرام عليكي افتحي الباب بقي 
ارتمت أرضا وهي تشعر بإنهاك جسدها الهزيل من قلة الطعام والنوم بالإضافة إلى البكاء والحزن الذي أهلك قواها بشدة 
اشمعنا أنا هنت عليك تعمل فيا كدة طب كنت اصبر لما نقضي مع بعض شوية وأفرح بيوم فرحي وأحس بطعم السعادة ولو مجرد حبة وقت ومكنتش تدب لي قرارك مرة واحدة كدة في وشي وكان زي سهم الن ار اللي رشق في قلبي فرتكه 
قلب عينيه بحزن وهو يشعر الآن بفداحة خطأه الذي ارتكبه معها ولم يكن في حسبانه أنها ستنهار بتلك الدرجة فلقد حسبها ذاك العامر خطأ بشدة ثم اعتذر لها نادما
طب حقك علي ياحبيبتي متزعليش مني والله ما كنت أقصد اللي وصل لك 
صاحت به پعنف من الداخل
حبيبتك مين ! هو انت بتعرف تحب يا عامر !
انت أناني ومبتحبش إلا نفسك والأناني عمره مايعرف يحب ولا يدي الحب ولا يحسس اللي قدامه بالحب مهما حصل 
تنهد بأنفاس ثقيلة وهو نادم الآن بشدة ولكنه لم يحتاج منها سوى مجرد فرصة كي يعتذر لها عما بدر منها ويفهمها مقصده 
طب أني وحش ياشمس وفيا كل العبر علشان ترتاحي ممكن بقي تسيبك من شغل العيال دي وانتي هتقفلي على حالك وافتحي الباب نتفاهم بزياداكي عاد قفلة على روحك يابت الناس 
رفضت بتصميم
مش هفتح إلا لما ترمي عليا اليمين يا عامر حتى لو فضلت هنا حابسة نفسي في الأوضة لحد ما أموت وبعدها ټدفني وتريحني 
نهاها باستنكار عن كلماتها تلك 
يابنتي حرام عليكي ليه بس سيرة المۏت في ليلة جوازك استهدي بالله يا شمس 
واسترسل حديثه برفض لما قالت وهو ينكره عليها بشدة 
وبعدين طلاق ايه دي هو أني لحقت أتجوزك علشان أطلقك واصل !
هتفت بإصرار حازم 
خلاص خلينا اكده لحد ما تستسلم وهطلقني بردو ومش هخليك تلمس شعرة مني يا خاېن 
لقد فقد جميع ذرات الصبر داخله في مراضاتها ليدق على الباب بحدة وهو يصيح بها 
قسما بالله يا شمس إن ما فتحتي لا هكسر الباب على دماغك دلوك وخلي الناس في الفندق المشؤم دي تسمع حسنا بقي ونوبقي حديث المدينة النهاردة 
اړتعبت من صياحه ولكنها صممت على موقفها 
لو تقدر تكسره اكسره مايهمنيش وبردوا مش هفتح ولا هخليك تلمس ايدي حتى 
نهرها بحدة 
هو انتي شيفاني حيوان للدرجة دي واني ممكن أجبرك على إتمام جوازنا !
أني عمري ما هقرب منك غير برضاكي وانتي مطمنة 
ابتلعت ريقها بصعوبة وهي لم تصدقه 
انت كذاب زي ما كذبت عليا في حاجات كتير و وهمتني انك هتخليني أسعد ست في الدنيا ومن أول دقيقة ليا معاك خلتني أتعس ست في الدنيا وانت هتطلب مني طلب متتحملوش أي ست من جوزها ليلة فرحهم 
وأكملت لومها وهي تنتحب بشدة 
كنت سيبني أكمل ليلتي وأنا بس رق حبة سعادة من الدنيا إجباري مكنتش تخوفني كدة وتقفلني من صنف الرجالة كلهم في يوم عمري كنت اصبر يا عامر حرام عليك والله حرام عليك 
ثم تكورت على حالها وهي تشهق بشدة مما جعله يقف في الخارج يجن جنونه من حالتها المڼهارة ولم يجد حلا سوى